Мавлуд Тифиев ONE FC'даги навбатдаги жангида тажрибали рақибини мағлуб этди

Аввал хабар берганимиздек, мазкур мусобақада ярим енгил вазн тоифасида ўзбекистонлик муай-тайчи Мавлуд Тифиев навбатдаги муай-тай жангини ўтказди. Ҳамюртимизга таиландлик Йодпхупа Виманаир рақиблик қилди. 3 раундга мўлжалланган жанг тўлиқ давом этди ва унда очколар ҳисобига кўра Мавлуд Тифиев ғалаба қозонди.

Маълумот учун, Таиландлик Йодпхупа фаолияти давомида умумий 76 та муай-тай жангини ўтказган ва уларнинг 63 тасида ғалаба қозонган, ўнта жангда мағлуб бўлган. Яна бир жанги эса дуранг билан якунланган. Унинг Мавлуд Тифиевдан қабул қилиб олган мағлубияти фаолиятидаги ўнинчиси бўлди.

Мавлуд Тифиев эса ONE FC лигасидаги ўзининг бешинчи жангини ўтказди. У бунгача ушбу лигада иккита ғалаба ва иккита мағлубият қайд этган эди. Мавлуд бу жанги орқали ONE FC лигасидаги рекордини 3-2 кўринишига келтирди.