Мелиқўзиевнинг собиқ рақиби Росадо Шаҳрам Ғиёсов ҳақида гапирди

WBA Regular камари учун ўтказиладиган мазкур жанг 23 май куни Мисрнинг Гиза шаҳрида ташкил этилади.

"Бу жангда кўпроқ Кэттерол ғалаба қозонади, деб ўйлайман. Лекин бу рақибнинг имкониятлари йўқ, дегани эмас. Чунки Шаҳрам жуда ажойиб ва ўзига хос услубга эга, у ҳаракатда бурчакларни тез ўзгартира олади. Бу эса Кэттерол учун ўзининг ноқулай зарбаларини йўллашни қийинлаштиради. 

Ўзбекистондан жуда кўп кучли жангчилар чиқяпти. Уларнинг услуби рақиб учун ҳар доим кутилмаган ва мураккаб ҳисобланади. Шунингдек, Шаҳрам Жоэль Диас билан шуғулланади. Жоэлнинг қўл остида тинимсиз ишлайдиган ҳақиқий "қотиллар" бор. Мен унинг шогирдларидан бири — Бектемир Мелиқўзиев билан икки марта жанг қилганман. Шунинг учун яхши биламан — Диаснинг жангчилари билан тўқнаш келганда қийин вазиятга тушишинг аниқ", деди Росадо.