10 июн 21:05
Янгиликлар

Теннис

Надаль - 11 карра "Ролан Гаррос" турнири ғолиби!

Ҳозиргина Париж шаҳрида "Катта Дубулға" туркумига кирувчи "Ролан Гаррос" турнири якунланди.

Икки ҳафта давом этган мусобақанинг сўнгги учрашуви эркаклар ўртасидаги финал бўлиб, унда дунёнинг биринчи ракеткаси испаниялик Рафаэль Надаль ҳамда саккизинчи ракетка австриялик Доминик Тим ўзаро тўқнаш келишди.

Икки соату 44 дақиқа давом этган баҳсда грунт қироли ҳисобланган Надаль 6:4, 6:3, 6:2 ҳисобида ғалаба қозониб, кутилганидек бош мукофот соҳибига айланди. Надаль бу билан 11 маротаба "Ролан Гаррос" турнири чемпиони бўлди.