Навбат Душанбе "Катта Дубулға" турнирига. Терма жамоамиз Тожикистонга қандай таркибда боради?

Бу йилдан илк бор Тожикистон пойтахтида ҳам "Катта Дубулға" туркумига кирувчи турнир ўтказилади. Ўтган йили Душанбеда Гран-при турнири ўтказилганди.

3-5 май кунлари ташкил этиладиган мусобақада иштирок этиш истагини ҳозиргача сайёрамизнинг 5 қитъаси 70 давлатидан жами 429 нафар (230 эркак, 199 аёл) дзюдочи билдирган. Аниқроғи, федерациялар ўз таркибларини Халқаро дзюдо федерацияси (IJF) сайтида рўйхатдан ўтказган. Бу рўйхатга ҳали ўзгартиришлар киритилиши мумкин. 

Табиийки, ушбу 70 давлат орасида Ўзбекистон терма жамоаси ҳам бор. Агар кичик ўзгаришлар кузатилмаса, 21 нафар (12 эркак, 9 аёл) дзюдочи Душанбе татамиларида юртимиз шарафини ҳимоя қилади. Рўйхатдан ўтказилганлар орасида Диёра Келдиёрова, Давлат Бобонов, Музаффарбек Тўрабоев, Алишер Юсупов сингари етакчи дзюдочиларимиз йўқ. 

Душанбега йўл оладиган терма жамоамиз таркиби:

Аёллар 

-48 кг: Ҳалимажон Қурбонова

-52 кг: Сита Кадамбаева

-52 кг: Гулҳаё Жўраева

-57 кг: Шукуржон Аминова

-70 кг: Шоҳиста Назарова

-70 кг: Гулноза Матниязова

-78 кг: Ирисхон Қурбонбоева

+78 кг: Рианат Илматова

+78 кг: Фотима Курамбоева

Эркаклар

-60 кг: Дилшодбек Баратов

-60 кг: Камолиддин Бахтиёров

-66 кг: Сардор Нуриллаев 

-66 кг: Муҳриддин Тиловов

-73 кг: Шаҳрам Аҳадов

-81 кг: Шарофиддин Болтабоев

-90 кг: Шаҳзодхўжа Шарипов

-90 кг: Азизбек Авазмуродов

-100 кг: Ерназар Сарсенбаев

-100 кг: Рустам Шорахматов 

+100 кг: Ўткирбек Тўрабоев

+100 кг: Исломбек Равшанқулов

Терма жамоа бош мураббийи - Илиас Илиадис