Нейт Диаз Жейк Пол билан реванш ҳақида: "Жанг қабул қилинди"

"Жанг қабул қилинди. Сен тамом бўлдинг!", - деб ёзди Диас ижтимоий тармоқдаги саҳифасида биринчи жангдан олинган суратни жойлаб.

2023 йил август ойида Нейт Диас профессионал боксдаги дебютини муваффақиятсиз ўтказган ва ўн раунд якунига кўра ҳакамларнинг якдил қарори билан Жейк Полга ютқазиб қўйганди. Енгил вазнда UFC чемпионлик камарига собиқ даъвогар ўша жангда ғалаба қозонганига ишончи комил.

"Мен ўша жангда жароҳат олдим, аммо улар хато қилишмоқда - мен барибир бу жангда ғалаба қозонгандим. Ҳаммаси жойида, кўпчилик боксни тушунмайди. Мен ҳаммасини опа-сингил Полга қайтараман - кўришамиз, аҳмоқлар, жуда тез орада", - деб ёзди Диас.

Жейк Пол ва унинг Most Valuable Promotions промоутерлик компанияси ҳозирча жанг ташкил этилишини тасдиқлагани йўқ. 15 ноябрь куни Майамида Жейк Пол ва Жервонта Дэвис ўртасида жанг бўлиб ўтиши керак эди, аммо жаҳон чемпионига ҳужум ва калтаклаш айбловлари қўйилгач, ушбу жанг бекор қилинганди.

Режага кўра, шоу 12 ёки 19 декабрга кўчирилади.