Одилжон Аслонов россиялик рақибини муддатидан аввал мағлуб этди

Аҳамиятлиси, RCC Boxing промоушени томонидан ташкил этилган ушбу бокс оқшомидан уч нафар ҳамюртимизнинг ҳам рингга кўтарилиши ҳақида хабар берган эдик. 

Қувонарлиси, суперўрта вазн тоифасидаги чарм қўлқоп устамиз Одилжон Аслонов (4-0-1) 8 раундга мўлжалланган жангда россиялик Василий Штик (5-5)ни мағлубиятга учратди. Тўртинчи раунднинг ўрталарида рефери жангни тўхтатишга мажбур бўлди. Аслонов мезбонлар вакилини техник нокаутга учратиб, проф фаолиятидаги тўртинчи ғалабасини тантана қилди.