Олимпия ўйинларига йўлланма олган спортчи қўшимча 50 миллион сўм билан мукофотланди

Самарқанд шаҳридаги “Ёшлар маркази”да ташкил этилган тадбирда вилоят ҳокими Эркинжон Турдимов иштирок этди. Мазкур тадбирда Токио-2020 ёзги Олимпия ўйинлари лицензианти 50 миллион сўмлик пул мукофоти билан тақдирланди.

Шунингдек, тадбирда яқинда Польшанинг Кельце шаҳрида ўтказилган бокс бўйича ёшлар ўртасидаги Жаҳон чемпионатида муносиб иштирок этган спортчи қизларимиз, олтин медаль соҳибаси Нигина Ўктамова ҳамда бронза медали совриндори Ситора Турдибекова, қолаверса спортчиларнинг мураббийлари ҳам мукофотланишди.

Бироз аввал Нигинага икки хонали уйнинг бошланғич тўлови тўлаб берилгани ҳақида хабар бергандик. Ситора Турдибекова 25 миллион сўм пул мукофоти ҳамда қимматбаҳо совға билан рағбатлантирилди.

Самарқанд вилояти ҳокими томонидан мукофотланган спортчи ва тренерлар рўйхати:

Абдуллаев Мўминжон Рустамович – юнон-рум кураши бўйича Ўзбекистон терма жамоаси аъзоси,

Унинг тренери – Маматқулов Шароф Абдувахопович,

Ўктамова Нигина Жасур қизи – бокс бўйича Ўзбекистон ёшлар терма жамоаси аъзоси,

Унинг тренери – Худойқулов Азим Ҳамидович,

Турдибекова Ситора Шавкат қизи – бокс бўйича Ўзбекистон ёшлар терма жамоаси аъзоси,

Унинг тренери – Нарзиқулов Шариф Тоҳирович.