06 дек 08:01
Янгиликлар

Дзюдо, Тадбирлар

Қатар Олимпия қўмитаси делегацияси Тошкентга ташриф буюрди + ФОТО

Қатар делегациясига мамлакат Олимпия қўмитаси Бош котиби, Осиё ўйинлари-2030 Ижрочи директори (номзод шаҳарнинг) Жассим Рашид Ал Буэнайн бошчилик қилди.

Нуфузли меҳмонлар сафар давомида Ўзбекистон Миллий олимпия қўмитасига ташриф буюришди.

Учрашув давомида қатарлик меҳмонлар 2030 йилги Осиё ўйинларини қабул қилиш бўйича режалари билан ўртоқлашиб, бу борада тақдимотларини ҳам намойиш қилишди.

Эслатиб ўтамиз, Қатар ёзги Осиё ўйинларига мезбонлик қилиш борасида катта тажрибага эга. Ушбу мамлакат 2006 йили XV ёзги Осиё ўйинларини ўзида қабул қилган. Маълумот учун, 2030 йилги мусобақа мезбонлиги учун Доха ва Ар-Риёд шаҳарлари рақобат олиб боришмоқда.