02 июн 20:28
Янгиликлар

Теннис

Қозоғистонлик теннис маликаси "Ролан Гаррос" 1/8 финалида ўйнайди

Дунёнинг тўртинчи ракеткаси Елена Рибакина Парижда давом этаётган "Катта Дубулға" туркумига кирувчи "Ролан Гаррос" турнири нимчорак финал иштирокчисига айланди.

Қозоғистонлик теннисчи учинчи даврада WTA рейтингининг 32-поғонасида бораётган украиналик Даяна Ястремскаяни 6/4, 6/2 ҳисобида мағлубиятга учратди. Елена теннисчиларнинг ўзаро учрашувларида катта фарқ билан олдинда бормоқда - 5:1.

Олтмиш етти дақиқа давом этган баҳсда Рибакина 3 та эйс, 5 та брейкни амалга ошириб, 2 та қўшхатога йўл қўйди. Энди у 1/8 финалда украиналик Элина Свитолинага қарши кортга чиқади.