29 июн 13:03
Янгиликлар

Футбол

Рейна ўз давридаги энг кучли дарвозабонларни санади

Собиқ дарвозабон Пепе Рейна ўзи фаолият олиб борган даврдаги энг кучли дарвозабонларни санаб берди.

- Сизга қарши ўйнаган энг кучли дарвозабон ким?

- Яхши шерикларим бўлган: Касильяс ёки Вальдес. Улар "Реал" ва "Барселона"да ўйнагани сабабли доимо бошқалардан ажралиб туришарди. Мен айнан уларни танлайман.

Лекин бошқа дарвозабонларни ҳам айтсам бўлади, чунки кучли дарвозабонлар кўп эди. Ван дер Сар, Буффон, Чех. 25 йиллик фаолиятим давомида кўплаб яхши дарвозабонларни кўрдим.

- Майдондаги рақиблардан қайси биридан кўпроқ қўрққансиз?

- Англияда ўйнаб юрган пайтларимда "Ливерпуль" ва "Челси" ўртасида катта рақобат бўларди, ўшанда Дрогбага қарши ўйнаш ҳақиқий даҳшат эди, - деди 42 ёшли Пепе Рейна.