07 ноя 09:58
Янгиликлар

Теннис

Рибакина Соболенкони мағлуб этди, аммо...

Саудия Арабистони пойтахти Ар-Риёд шаҳрида теннис бўйича йилнинг Якуний WTA турнири давом этмоқда.

WTA рейтингида 5-ўринни эгаллаб турган қозоғистонлик Елена Рибакина гуруҳ босқичининг сўнгги учрашувида дунёнинг биринчи ракеткаси беларуслик Арина Соболенкони уч сет натижасига кўра мағлуб этишга муваффақ бўлди - 6/4, 3/6, 6/1.

Лекин бу ғалаба Елена учун татимади. Боиси, у дастлабки икки учрашувда мағлубиятга учраб, плей-оффга чиқиш имкониятидан маҳрум бўлиб улгурганди. Арина эса аксинча, икки баҳсда зафар қучиб, муддатидан олдин 1/2 финал масаласини ҳал қилганди.

Теннис маликаларининг ўзаро учрашувларида Соболенко ҳамон олдинда бормоқда - 6:3. Бир юз бир дақиқа давом этган баҳсда Соболенко 4, Рибакина 6 та эйс зарбасини амалга оширган.