23 май 18:37
Янгиликлар

Теннис

Рим турниридаги 300 000 томошабин, 22,5 млн евролик соф даромад

Икки ҳафта давом этган нуфузли Рим турнири учрашувларини бевосита аренадан 298 138 мухлис томоша қилди.

Эркаклар ўртасидаги финал баҳсини 10 000 томошабин аренадан кузатган. Ташкилотчилар чипталар сотувидан 22,5 миллион евро соф даромад кўришган.

Таққослаш учун, ўтган йили 235 469 томошабин ўйинларни кўриш учун аренага келган эди. Лекин ўшанда баҳслар бу йилгидек икки ҳафта эмас, 8 кун давом этганди.

Молиявий ҳисоботда айтилишича, турнир сеткасида теннисчилар сонининг 64 дан 96 нафарга кўпайтирилиши ҳаражатларнинг 6-7 млн еврога ортишига сабаб бўлган. Аммо 10 млн евролик соф даромад бу ҳаражатларни қоплаган.