28 фев 09:02
Янгиликлар

Бокс/ММА

Рябинский Канело - Бивол жанги ҳақида: "Бу эртами-кечми, барибир бўлиши керак эди"

"Мир Бокса" промоутерлик компанияси раҳбари Андрей Рябинский WBA йўналишида жаҳон чемпиони, россиялик Дмитрий Бивол ва иккинчи ўрта вазнда жаҳон чемпиони Сауль Альварес ўртасидаги бўлажак жанг ҳақида фикр билдирди.

"Бу жуда рақобатга бой, қизиқарли жанг бўлади. Бу жанг ташкиллаштирилаётганидан жуда хурсандман, бу Дмитрий учун катта имконият. Ташкилотимиз фаолиятини бошлаганидан буён у билан ҳамкорикда ишламоқда ва биз унинг маҳоратини бутун дунёга кўрсатишда ёрдамимиз тегаётганидан фахрланамиз.

Бу жанг эртами-кечми, барибир бўлиши керак эди. Мухлислар "Канело" ҳақиқий қийинчиликка дуч келадиган жанг кўришни хоҳларди. Дмитрий учун бу ғолиб бўлиш эҳтимоли юқори бўлган оддийгина жанг дейиш нотўғри бўларди. Сауль Альварес — дунёдаги энг яхши боксчи бўлмаса-да, энг яхшилар қаторида турувчи боксчидир. Яхши боксчи эса худди ўзидек кучлилар билан жанг қилиши керак", - дея Рябинскийнинг сўзларини келтиради "Мир Бокса" ахборот хизмати.