Шахмат ва парашахмат бўйича “ҳоким кубоги”

Парашахматчилар эса вилоят босқичида тўғридан-тўғри иштирок этди. Мусобақа қатнашчилари 4 гуруҳга, яъни "Ҳаваскор қизлар", "Ҳаваскор эркаклар", "Профессионал  қизлар", "Профессионал эркаклар" гуруҳларига бўлинди.

Финал баҳслари вилоят Ёшлар марказида ташкил этилди. Унда етти ёшдан етмиш ёшгача 11 та туман (шаҳар)да ғолибликни қўлга киритган иштирокчилар ўз имкониятларини синовдан ўтказди. 

"Ҳаваскор қизлар" ўртасида ўтказилган мусобақада Ирода Жумаева, "Ҳаваскор болалар" ўртасида Билолхўжа Ҳасанов, "Профессионал қизлар" ўртасида Сарвиноз Орзиқулова, "Профессионал  болалар" ўртасида Бекзод Солижонов, параболалар ўртасида ўтказилган мусобақада Мурод Исоқов, парақизлар ўртасида эса Гулчеҳра Холмўминова ғолиб бўлди.

– Ушбу мусобақада 1-ўринни қўлга киритдим, – дейди Бекзод Солижонов. – Шахматнинг ёшларга фойдаси катта. Хотирани мустаҳкамлайди ҳамда кишини фикрлаш ва оқилона қарор қабул қилишга ўргатади. Ёшлар ҳамда ҳаётий тажрибага эга инсонларни бир жойга жамлаб, бу каби эзгу ташаббусларни оммалаштираётгани учун мусобақа ташкилотчиларига миннатдорчилик билдираман.

– Энг муҳими, спортнинг шахмат ва парашахмат тури бўйича Гулистон шаҳрида ўтказилган мусобақа шахмат спортини ҳудудларда янада такомиллаштириш ҳамда 2026 йилда Ўзбекистонда бўлиб ўтиши режалаштирилаётган шахмат олимпиадасига тайёргарликнинг муҳим босқичи бўлиб, зарур билим ва тажрибани бойитишга хизмат қилади, – дейди вилоят ёшлар ишлари бошқармаси бошлиғи Азизбек Турдимуродов.