06 янв 09:12
Янгиликлар

Теннис

Shenzhen Open. Бош соврин Беларусга кетди

Хитойнинг Шэньчжэнь шаҳрида теннис бўйича нуфузли WTA турнири якунланди.

Финал учрашувида дунёнинг 13-ракеткаси беларуслик Арина Соболенко америкалик Элисон Рискега қарши кортга чиқди. Арина 2 соату 9 дақиқа давом этган баҳсда рейтингнинг 62-поғонасидан жой олган рақибасини 4/6, 7/6(2), 6/3 ҳисобида мағлуб этди.

Shenzhen Open турниридаги муваффақиятли иштирок Соболенкога 163 260 АҚШ доллари миқдоридаги мукофот пули ҳамда 280 рейтинг очкосини тақдим этди. Бу Арина учун фаолиятидаги учинчи титул бўлди.