26 янв 12:11
Янгиликлар

Теннис

Стосур - Шуай Australian Open жуфтлиги ғолибалари!

Австралиялик Саманта Стосур ҳамда хитойлик Чжан Шуай Australian Open турнирининг хотин-қиз теннисчилар ўртасидаги турнири ғолибасига айланишди.

Улар ҳал қилувчи финал учрашувида венгриялик Тимеа Бабош ва франциялик Кристин Младеновичга қарши кортга чиқишди. Бир соату 35 дақиқа давом этган баҳсда Саманта ва Шуай 6/3, 6/4 ҳисобида зафар қучишди.

Стосур учун бу “Катта Дубулға” туркумига кирувчи турнирларнинг жуфтлик баҳсларидаги учинчи соврин бўлди. Чжан эса илк бор бош совринга эга чиқди. Шуай ва Самантанинг икки ҳафталик муваффақияти уларга 750 000 доллар мукофот пули ҳамда 2000 рейтинг очкосини тақдим этди.