17 май 08:49
Янгиликлар

Теннис

Свёнтек Рим WTA 1000 турнири 1/4 финалида

Италиянинг Рим шаҳрида теннис бўйича нуфузли WTA 1000 грунт турнири давом этмоқда.

Сайёрамизнинг биринчи рақамли теннис маликаси Ига Свёнтек мусобақанинг 1/4 финал иштирокчисига айланди. Польшалик теннисчи тўртинчи даврада WTA рейтингида 21-поғонани эгаллаб турган хорватиялик Донна Векични 6:3, 6:4 ҳисобида мағлубиятга учратди.

Тўқсон беш дақиқа давом этган учрашувда Свёнтек 3, Векич 2 та эйс зарбани амалга оширган. Теннисчиларнинг ўзаро учрашувларидаги ҳисоб янада йириклашди - 4:0. Энди Ига 1/4 финалда дунёнинг еттинчи ракеткаси, қозоғистонлик Елена Рибакинага қарши кортга чиқади.