24 май 16:58
Янгиликлар

Бокс/ММА

Уайлдер Жошуа иштирокидаги жангга бориши мумкин

Профессионал бокснинг супероғир вазн тоифасида WBC йўналиши чемпиони Деонтей Уайлдер асосий рақиби Энтони Жошуанинг навбатдаги жангига таклиф этилди.

WBA, WBO ва IBF чемпионлик камарлари соҳиби бўлган Жошуанинг промоутери Эдди Хирн Уайлдерга расмий таклифнома жўнатган. Энтони 1 июнь куни АҚШнинг Нью-Йорк шаҳрида Энди Руисга қарши рингга кўтарилади.

"Уайлдер жангга таклиф қилдик. Лекин у келадими ёки йўқ, буни билмайман. Агар келса, Жошуа - Уайлдер жангини муҳокама қилиб оламиз. Бу жанг Энтони учун ҳам катта таваккал. Чунки у ютқазиб қўйиши ҳам мумкин. Биз таваккалга боряпмиз, лекин Деонтей бундай қила олармикан? Ҳамма гап шунда.

Гонорар қандай тақсимланади? 50/50? Уайлдер бунга муносибмикан? Шахсан мен бундай фикрда эмасман. Деонтей, биз сени Нью-Йоркда кутяпмиз", - деди Хирн.