UFC раҳбарияти Ислам Махачев иши бўйича нуқта қўйди

Бу ҳақда UFC вице-президенти Жефф Новицки шарҳловчи Брендан Фитцджеральдга берган интервьюсида маълум қилди. 

"Австралия қўмитаси баёнот бериб, уларда қоида бузилиши билан боғлиқ ҳеч қандай асосли исбот йўқ эканлигини тан олди. Ўйлайманки, бу мавзуни ёпиш учун етарли асос. Биз шу ерда тўхтаймиз. Шунчаки, уларда физрастворли капельницадан регидратация учун фойдаланиш тақиқланган. Перт бундай капельницага тақиқ қўйган", - деди Новицки.

Эслатиб ўтамиз, 11 февраль куни Перт шаҳрида ўтказилган UFC 284 турнирининг марказий жангида Ислам Махачев австралиялик чемпион Александр Волкановскини очколар ҳисобига кўра мағлубиятга учратганди. Жангдан сўнг Алекснинг жамоаси Исламга вазн ташлашдан кейин тикланиш учун капельница, яъни осма уколдан фойдаланганини антидопинг қоидаларини бузиш дея ҳисоблаб, айблов қўйганди.