10 апр 10:26
Янгиликлар

Бокс/ММА

UFC собиқ чемпиони эритропоэтин сабаб икки йилга четлатилди

Енгил вазн тоифасида собиқ UFC чемпиони Ти Жей Диллашоу USADA томонидан икки йилга дисквалификация қилинди.

Диллашоу допинг-текширувдан ўта олмаган эди. 18 январь куни олинган таҳлил шуни кўрсатдики, унинг қон таркибида тақиқланган эритропоэтин моддаси бор экан.

Бу ҳақда UFC чемпионига март ойида хабар беришган ва Диллашоу ўша захотиёқ ўз хоҳишига биноан чемпионлик камаридан воз кечганди. Эритропоэтин моддаси танада кислород айланмасини яхшилайди, мушакларни кучайтиради, чидамлиликни оширади, тикланиш жараёнини тезлаштиришга хизмат қилади.