Вальтер Уокер акаси Жонни Уокерга "вызов" ташлади

Вальтер кеча икки оёғи йўқ Зайон Кларкни ғалати грепплинг баҳсида мағлуб этганидан сўнг, Майамидаги Karate Combat турнирида ўзини қўллаб-қувватлашдан бош тортган акаси Жонни Уокерга қарши жанг қилмоқчи. 

"Мен жуда хафа бўлдим, чунки акамни мен билан бу ерга келишга чақиргандим, у эса келмади. Қаранг, Жонни бу ерда йўқ. Уни мажақлаб ташламоқчиман! Ҳозир акам билан муносабатларимиз ғалати.

Мен уни тугатмоқчиман, оёғини синдирмоқчиман. Жоннини бу ерга олиб келиб, ҳақиқий Уокер кимлигини кўрсатмоқчиман. Хотинидан рухсат сўраши кераклигини ҳамма билади. Хотини рухсат берса - уришамиз. Менга барибир. Қаердалигининг аҳамияти йўқ.

Менга пулни кўрсатинг, ҳаммасини йўқ қиламан. Бу фақат бошланиши. Уни бу ерда ҳам, UFC’да ҳам мағлуб этаман. Мен энди бошлаяпман. Оғир вазнга ўт, кичкинтой! Мен сенга ҳақиқий оғир вазнли кимлигини кўрсатаман", - деди Уокер тадбирдан кейин берган интервьюсида.

Айни дамда ака-укаларнинг жанглари белгиланган. Жонни Уокер 11 апрель куни Майамида бўлиб ўтадиган UFC 327 турнирида Доминик Рейесга қарши октагонга кўтарилса, Вальтер Уокер 28 март куни Сиэтлдаги турнирда Марчин Тибура билан ҳисоб-китоб қилади.