08 фев 12:26
Янгиликлар

Шахмат

Воҳидов Freestyle Chess Friday турнири ғолиби, Якубббоев кучли учликда!

Шахмат бўйича жума кунлари ўтказиладиган Freestyle Chess Friday онлайн турнирида бу сафар ғолиблик Шамсиддин Воҳидовга насиб этди.

Ёш гроссмейстеримиз 10 очко жамғариб, мусобақа ғолибига айланди. Яна бир гроссмейстеримиз Нодирбек Якуббоев 9,5 очко тўплаб, қўшимча кўрсаткичларга кўра 3-ўринни эгаллади. Иккинчи поғонани банд этган арманистонлик Самвел Тер-Саҳакян ҳам Якуббоев сингари 9,5 очко жамғарди. Сербиялик таниқли шахматчи Алексей Сарана 4-ўрин билан кифояланди.

Шамсиддин Воҳидов ғолиб сифатида 400 АҚШ доллари миқдоридаги мукофот пулини ҳам қўлга киритди. Тер-Саҳакян 250, Якуббоев 150 долларга эга бўлди. Умумий рўйхатда 21-поғонадан жой олган ҳиндистонлик гроссмейстер Вайшали Рамешбабу энг юқори ўринни эгаллаган аёл шахматчи сифатида 100 доллар мукофот пулига эга чиқди.