WBA битта вазн тоифасини "муомала"дан чиқарди

Бу бриджервейт, яъни супероғир вазн тоифасидан аввалги оғирлик категорияси (101,6 кг) ҳисобланади. WBA бриджервейт вазн тоифасини тан олишни тўхтатишини эълон қилди. Ушбу вазнда аввал рухсат этилган қолган жанглар ўтиш даври доирасида ўтказилади. Шундан сўнг WBA бриджервейтдаги жангларга рухсат бермайди", - дейилади WВАнинг ижтимоий тармоқларда эълон қилган хабарида.

Вазн бекор бўлиши ортидан россиялик боксчилар Муслим Гажимагомедов ва Вартан Арутюнян WBA бриджервейт бўйича чемпионлик камаридан маҳрум бўлди. 29 ёшли Муслим 2024 йилда ушбу вазн тоифасида WBA чемпионлигини қўлга киритган ва иккита муваффақиятли ҳимояни амалга оширган. Аввалроқ у мажбурий даъвогар Хулио Ла Круз билан учрашиши мумкинлиги хабар қилинганди.

26 ёшли Вартан Арутюнян эса жорий йилнинг февраль ойида брижервейтда вақтинчалик WBA чемпионлик камарини қўлга киритган эди. 101,6 кг гача бўлган вазн тоифаси 2020 йилда WBC ташаббуси билан қўшилганди. У биринчи оғир ва супероғир дивизионлар ўртасида оралиқ вазн керак, деган қарор билан жорий қилинган эди. WBA 2023 йилда янги дивизионни тан олди. WBO ва IBF ҳозирча 101,6 килограммгача бўлган янги вазн тоифасини тан олмаган.

Янги вазнни тан олишни рад этиш сабаби маълум қилинмаган.