WTA Finals. Арина Соболенко гуруҳ ғолибаси сифатида 1/2 финалга чиқди

Штеффи Граф номидаги гуруҳнинг учинчи тур учрашувида дунёнинг биринчи ракеткаси Арина Соболенко WTA рейтингида учинчи ўринни эгаллаб турган америкалик Коко Гоффни икки сетда мағлуб этди - 7/6(5), 6/2. Бу билан беларуслик икки теннисчининг ўзаро учрашувларидаги ҳисоб мувозанатини тиклаб қўйди - 6:6.  

Саксон тўққиз дақиқа давом этган баҳсда Соболенко 3, Гофф 2 та эйс зарбасини амалга оширди. Қўшхатолар каррасига Кокода кўпроқ бўлди - 6 га 1. Брейклар бўйича ғолиб теннисчи устунликка эга бўлди - 5 га 3. Уччала учрашувда ғалаба қозонган Соболенко гуруҳ ғолибаси сифатида 1/2 финалга йўл олди. У қаторига тўртинчи бор WTA Finals 1/2 финалида ўйнайди. Унинг финал чиптаси учун кечадиган учрашувдаги рақибаси америкалик Аманда Анисимова бўлади.