06 ноя 12:26
Янгиликлар

Теннис

WTA Finals. Ига Свёнтек Гоффга ютқазиб қўйди

Дунёнинг иккинчи ракеткаси Ига Свёнтек Ар-Риёдда давом этаётган Якуний WTA турнирининг иккинчи учрашувида мағлубиятга учради.

Польшалик теннис маликаси гуруҳ босқичининг иккинчи учрашувида WTA рейтингида учинчи поғонада бораётган америкалик Коко Гоффга имкониятни бой бериб қўйди - 3/6, 4/6.

Теннисчиларнинг ўзаро учрашувларида Ига ҳамон катта фарқ билан олдинда бормоқда - 11:2. Бир соату 48 дақиқа давом этган баҳсда Свёнтек 1, Гофф 2 та эйс зарбасини амалга оширган. Қўшхатолар ҳам, брейклар ҳам Кокода кўп бўлди - мос равишда 11 га 2 ва 5 га 2.

Гуруҳнинг иккала учрашувида ғалаба қозонган Гофф муддатидан аввал 1/2 финалга йўл олди. Свёнтек плей-оффга чиқиши учун гуруҳнинг сўнгги учрашувида ғалаба қозониши керак.