Янник Синнер Miami Open турнирининг илк 1/2 финалчиси

Эркаклар ўртасидаги мусобақада илк ярим финал иштирокчиси маълум бўлди. Дунёнинг 11-ракеткаси, италиялик Янник Синнер 76 дақиқа давом этган 1/4 финал баҳсида рейтингнинг 54-поғонасида бораётган финляндиялик Эмил Руусувуорини ортиқча қийинчиликсиз мағлуб этди - 6/3, 6/1.

Янник ўзаро учрашувлардаги ҳисобни янада йириклаштирди - 5:1. Синнер 4, Руусувуори 2 та эйс зарбасини амалга оширган. Бу италиялик теннисчи учун "Мастерс" турнирларидаги учинчи 1/2 финал бўлди.