10 апр 07:38
Янгиликлар

Теннис

Ёмғир сабаб тўхтатилган Сабинанинг баҳси бугун давом эттирилади

Туркиянинг Истанбул шаҳрида теннис бўйича аёллар ўртасида мукофот жамғармаси 60 000 АҚШ долларини ташкил этувчи мусобақа бўлиб ўтмоқда.

Мусобақада икки ҳамюртимиз - Сабина Шарипова ва Нигина Абдураимова ҳам иштирок этяпти. Абдураимова илк даврада турнирнинг тўртинчи ракеткаси россиялик Елена Рибакинани мағлубиятга учраган эди.

Кеча мусобақада учинчи рақам остида сараланган Шарипова словакиялик Яна Чепеловага қарши кортга чиқди. Биринчи сетда Сабина 0:6 ҳисобида ютқазди. Иккинчи сетда у мувозанатни тиклади - 6:4.

Ҳал қилувчи сетнинг бешинчи геймидан сўнг баҳс ёмғир сабаб тўхтатилди. Бу пайтга келиб Чепелова 3:2 ҳисобида олдинда бораётган эди. Бугун ушбу учрашув давом эттирилади.