24 avg 17:50
Yangiliklar
Ular JCHga boradilar #9: Sanjar Tursunov
Terma jamoamizning eng yosh bokschisi hisoblangan Sanjar uchun bu ilk jahon chempionati hisoblanadi. 1998 yilda tug'ilgan sportchi o'tgan yili yoshlar o'rtasidagi Osiyo chempionatida ikkinchi jangidayoq mag'lubiyatga uchragan. Ammo, ungacha Qozog'istonda bo'lib o'tgan yoshlar o'rtasidagi Osiyo chempionatida oltin medal sohibiga aylangan.
Albatta Gamburg turniri Sanjar uchun ilk yirik musobaqa. Tursunov 19 yoshida Bektemir Meliqo'ziev singari kattalar o'rtasidagi jahon chempionatida debyut qilmoqda.
Bokschi uchun ilk yirik turnir bu shu yil may oyida o'tkazilgan Osiyo chempionati bo'ldi. Ushbu turnirni u g'alaba bilan boshlagandi. CHorak finalda esa Olimpiada sovrindori Vasiliy Levitga to'qnash kelgan yosh bokschi mag'lubiyat alamini totishga majbur bo'ladi. Lekin, "box-off" jangida, yani JCH yo'llanmasi uchun bo'lib o'tgan to'qnashuvda eronlik Salar G'ulomini mag'lubiyatga uchratib, o'z maqsadiga erishgandi.
Albatta, Sanjarga Olimpiada, jahon va Evropa chempioni hisoblangan Evgeniy Tishenko, Olimpiada finalchisi va Osiyo chempioni Vasiliy Levit, JCH va Olimpiada sovrindorlari hisoblangan kubalik Erislandi Savonlarga qarshi kurashish juda-juda qiyin bo'ladi. Lekin, shunda ham o'zbek boksi muxlislari undan syurprizlar kutib qoladilar.
Mazkur turnir bokschimiz uchun ulkan tajriba vazifasini o'tab beradi deb hisoblaymiz.
Aziz To'xtamurodov
Ular JCHga boradilar #8: Bektemir Meliqo'ziev
Ular JCHga boradilar #7: Isroil Madrimov
Ular JCHga boradilar #6: SHahram G'iyosov
Ular JCHga boradilar #5: Iqboljon Xoldorov
Ular JCHga boradilar #4: Elnur Abduraimov
Ular JCHga boradilar #3: Murodjon Ahmadaliev
Ular JCHga boradilar #2: Jasurbek Latipov
Fikrlar