Нигина Абдураимова Беллинцонада муваффақиятли старт олди

Мукофот жамғармаси 75 000 долларни ташкил этувчи ушбу мусобақада Нигина Абдураимова ҳам ўз имкониятини синаб кўряпти. Мамлакатимизнинг биринчи ракеткаси илк даврада рейтингда ўзидан тўққиз поғона қуйида бораётган германиялик Мона Бартелга қарши кортга чиқиб, иродали ғалабага эришди - 1/6, 6/4, 6/3.   

Нигина 1 соату 49 дақиқа давом этган баҳсда қийин вазиятдан чиқиб кета олди. Бу теннисчиларнинг ўзаро ўтказган учинчи учрашуви бўлди. Қизиғи, Нигина ўтган йили ҳам айнан Швейцариядаги турнирда Бартелни мағлубиятга учратганди. 2018 йили Тошкентда ўтган илк баҳсда эса Мона зафар қучган эди. 

Таққослаш учун, Нигина Абдураимова айни пайтда WTA рейтингида 240, Мона Бартель эса 249-поғонадан жой олган. Бугун ҳамюртимиз 1/8 финалда италиялик Лучрезия Стефанинига қарши баҳс олиб боради. Дунёнинг 150-ракеткаси бўлиб турган Стефанини 1/16 финалда британиялик Эмили Эпплтондан 6/1, 7/5 ҳисобида устун келди.