Расман! Диаз қайтмоқда, унинг жанги тасдиқланди + ПОСТЕР

Яримўрта вазн тоифасида собиқ Strikforce чемпиони, UFC камарига собиқ даъвогар Ник Диаз ўзининг узоқ танаффусдан кейинги жангини 3 август куни ўтказади. У шу куни БАА пойтахти Абу-Даби шаҳрида ташкил этиладиган UFC Fight NIght турнирида бразилиялик Висенте Лукега қарши октагонга чиқади. 

Бу маълумотни шахсан UFC раҳбари Дана Уайт тасдиқлади. Ник Диаз - Висенте Луке жанги чемпионлик ёки даъвогарлик мақомида бўлмаса-да, ташкилотчилар томонидан беш раунд этиб белгиланди.  

Эслатиб ўтамиз, Диаз сўнгги жангини 2021 йилнинг 25 сентябрь куни UFC 266 турнири доирасида яримўрта вазнда собиқ UFC чемпиони Робби Лоулерга қарши ўтказиб, учинчи раундда техник нокаут эвазига ютқазиб қўйганди. Ник Диаз 26 ғалаба ва 10 мағлубтятга эга. Яна иккита жанги ўтказилмаган деб топилган.

Висенте Луке эса сўнгги бор 30 март куни UFC on ESPN 54 турнирида жанг ўтказган. Ўшанда у Нурсултон Рўзибоевга мағлубият тақдим этган америкалик Хоакин Баклига иккинчи раундда техник нокаут билан имкониятни бой берган эди.