06 июл 15:54
Янгиликлар
Бокс/ММА
Шоҳасан Мирзаматов олдида жиддий синов. У қозоғистонлик тажрибали жангчи билан тўқнаш келади + ПОСТЕР
19 июль куни Қозоғистоннинг Олма-Ота шаҳридаги "Балуан-Шолак" мажмуасида MMA бўйича Octagon 60 мусобақаси бўлиб ўтади.
Ташкилотчилар томонидан турнирнинг асосий кардидан ўрин олган яна бир жанг эълон қилинди.
Унда ярим ўрта вазн тоифасида ўзбекистонлик аралаш яккакураш устаси Шоҳасан Мирзаматов ўзининг навбатдаги жангини ўтказади. Ҳамюртимизга мусобақа доирасида қозоғистонлик Махир Мамедов рақиблик қилади.
Аслида, ушбу жанг июнь ойида ўтказилган Octagon 59 турнири доирасида бўлиб ўтиши лозим эди. Бироқ Мирзаматовнинг мусобақа олдидан жароҳат олиши ушбу қарама-қаршиликнинг кечиктирилишига сабаб бўлганди.
Маълумот учун, Мирзаматов фаолияти давомида 15 та жанг ўтказиб, 12 ғалаба ва 3 мағлубиятни қайд этган. Махир Мамедов эса ўз ҳисобига 19 ғалаба ва 3 та мағлубиятни ёздириб қўйган.
Ҳавола :
Манба : octagonleague
Ўхшаш янгиликлар
07:43
Расман! Муҳиддин Мамажонов Тошкентда Octagon Leagua чемпионлик камари учун жанг қилади (ПОСТЕР) 0
Фикрлар