US Open. Дунёнинг биринчи ракеткаси учинчи даврага йўл олди

Дуёнинг биринчи рақамли теннис маликаси Ига Свёнтек учинчи давра иштирокчисига айланди. Польшалик теннисчи 95 дақиқа давом этган иккинчи босқич баҳсида WTA рейтингида 322-поғонада бораётган австралиялик Дарья Сэвиллдан устун келди - 6/3, 6/4.

Бу теннисчиларнинг ўзаро иккинчи учрашуви эди - 2:0. Иккала теннисчи ҳам 2 тадан эйс зарбасини ижро этишган. Қўшхатолар Сэвиллда кўпроқ бўлди - 7 га 2! Свёнтек 5, Дарья эса 3 та брейкни амалга оширган. 

Иганинг учинчи даврадаги рақибаси словениялик Кайя Юван бўлади. У ўз ўрнида америкалик Лорен Дэвисни 6/7(3), 6/4, 6/3 ҳисобларида таслим этди.