Ular JCHga boradilar #10: Bahodir Jalolov

1994 yilda tug'ilgan surxondaryolik bokschi Dohada bo'lib o'tgan jahon chempionatida ham ishtirok etgan. Qitamizda bo'lib o'tgan dunyo birinchiligida Jalolov bronza medali sohibiga aylangandi.

So'nggi vaqtlarda tanqidlar ostida qolgan Bahodir Jalolov ham terma jamoamiz hisobiga medal qo'shib qo'yish uchun nomzod bokschilardan biri hisoblanadi. U Dohada Jazoir, Kuba, Iordaniya vakillarini mag'lubiyatga uchratib, yarim finalgacha etib borgan va yakunda qozog'istonlik Ivan Dichkoga imkoniyatni boy berib qo'ygandi.



Rio Olimpiadasida bayroqdor bo'lgan bokschi Braziliyadan bitta g'alaba va bitta mag'lubiyat bilan qaytgan.

O'z vazn toifasida O'zbekistonning amaldagi chempioni hisoblanadigan Bahodir JCH chiptasini terma jamoadagi sheriklari singari Toshkentda bo'lib o'tgan Osiyo chempionatida qo'lga kiritgan. Sportchi qita birinchiligida barcha raqiblarini mag'lubiyatga uchratib, oltin medal sohibiga aylangandi. O'shanda u finalda o'zining principial raqibi Kamishbek Konkabaevdan ustun kelgandi.



Aynan Konkabaev ushbu jahon chempionatida Bahodirga yaxshigina qarshilik ko'rsatadi. Turnirda birinchi raqam ostida saralangan Bahodir Jalolovga jahon chempionligi yo'lida Konkabaevdan tashqari iordaniyalik Hussayn Iashish va kolumbiyalik Kristiak Kodazzilar halal berishga harakat qiladilar.

Aziz To'xtamurodov

Ular JCHga boradilar #9: Sanjar Tursunov

Ular JCHga boradilar #8: Bektemir Meliqo'ziev

Ular JCHga boradilar #7: Isroil Madrimov

Ular JCHga boradilar #6: SHahram G'iyosov

Ular JCHga boradilar #5: Iqboljon Xoldorov

Ular JCHga boradilar #4: Elnur Abduraimov

Ular JCHga boradilar #3: Murodjon Ahmadaliev

Ular JCHga boradilar #2: Jasurbek Latipov

Ular JCHga boradilar #1: Hasanboy Do'smatov