Улар ЖЧга борадилар №10: Баҳодир Жалолов

1994 йилда туғилган сурхондарёлик боксчи Доҳада бўлиб ўтган жаҳон чемпионатида ҳам иштирок этган. Қитъамизда бўлиб ўтган дунё биринчилигида Жалолов бронза медали соҳибига айланганди.

Сўнгги вақтларда танқидлар остида қолган Баҳодир Жалолов ҳам терма жамоамиз ҳисобига медаль қўшиб қўйиш учун номзод боксчилардан бири ҳисобланади. У Доҳада Жазоир, Куба, Иордания вакилларини мағлубиятга учратиб, ярим финалгача етиб борган ва якунда қозоғистонлик Иван Дичкога имкониятни бой бериб қўйганди.



Рио Олимпиадасида байроқдор бўлган боксчи Бразилиядан битта ғалаба ва битта мағлубият билан қайтган.

Ўз вазн тоифасида Ўзбекистоннинг амалдаги чемпиони ҳисобланадиган Баҳодир ЖЧ чиптасини терма жамоадаги шериклари сингари Тошкентда бўлиб ўтган Осиё чемпионатида қўлга киритган. Спортчи қитъа биринчилигида барча рақибларини мағлубиятга учратиб, олтин медаль соҳибига айланганди. Ўшанда у финалда ўзининг принципиал рақиби Камишбек Конкабаевдан устун келганди.



Айнан Конкабаев ушбу жаҳон чемпионатида Баҳодирга яхшигина қаршилик кўрсатади. Турнирда биринчи рақам остида сараланган Баҳодир Жалоловга жаҳон чемпионлиги йўлида Конкабаевдан ташқари иорданиялик Ҳуссайн Иашиш ва колумбиялик Кристиак Кодаззилар ҳалал беришга ҳаракат қиладилар.

Азиз Тўхтамуродов

Улар ЖЧга борадилар №9: Санжар Турсунов

Улар ЖЧга борадилар №8: Бектемир Мелиқўзиев

Улар ЖЧга борадилар №7: Исроил Мадримов

Улар ЖЧга борадилар №6: Шаҳрам Ғиёсов

Улар ЖЧга борадилар №5: Иқболжон Холдоров

Улар ЖЧга борадилар №4: Элнур Абдураимов

Улар ЖЧга борадилар №3: Муроджон Аҳмадалиев

Улар ЖЧга борадилар №2: Жасурбек Латипов

Улар ЖЧга борадилар №1: Ҳасанбой Дўсматов